Kazetaritza genero

Kazetaritza generoa kazetaritzan erabiltzen diren testuen eta diskurtsoen multzoa bateratzen duen narratibaren azpigeneroa da. Kazetaritza generoko testuek errealitateari erreferentzia egiten dioten testu tipoen multzoa da.

Testu tipo hauetan hurbiltasuna bilatu ohi da denbora-espazio ardatzetan. Hurbilekoa kontatzeko joera nabarmena egoten da kazetaritzan; duela gutxi gertatu dena, hurbil gertatu dena aipatzen da kazetaritza testu eta diskurtso ia guztietan.

Kazetaritza generoak ikuspegi objektiboak eta subjektiboak onartzen ditu. Gehien erabili diren azpigeneroak albistea eta iritzi artikulua dira baina badaude kazetaritzako beste testu tipo batzuk ere. Hona kazetaritza generoko testu tipo batzuk:

• Albistea.
• Editoriala.
• Elkarrizketa.
• Erreportajea.
• Hipertestua.
• Iritzi artikulua.
• Kronika.
• Zutabe (testu-tipo)a.
• Zuzendariari gutuna.

Kazetaritzako testu tipo batzuek objektibotasuna bilatzen dute, albisteak esate baterako, baina kazetaritzan subjektibotasunari bidea zabaltzen zaio. Azalpenekin batera iritziak nahaste ohikoa da.